Музыканың миға әсері туралы неврологиялық зерттеулер әуенді естігенде эмоцияға берілуге биологиялық тұрғыдан бағдарламаланғанымызды көрсетеді. Мысалы, бес айлық сәбилер көңілді әндерге сергек қарайды, ал он айлық кезінде олар мұңды композицияларды танып, соған сәйкес реакция білдіре алады.
Музыка тудыратын психологиялық күйлер біз есейген сайын күшейе түседі. Көңілді музыка (әдетте жылдам темпте және мажорлық тональдікте) адамның тыныс алуын жиілетуі мүмкін, бұл бақыт пен қозудың физиологиялық белгісі болып табылады.
Дәл сол сияқты, минорлық тональдікте естілетін мұңды музыка тамыр соғуын баяулатып, қан қысымын арттыруы мүмкін. Бұл онша позитивті естілмегенімен, көз жасының тазарту күші барлығына таныс шығар. Музыка жан түкпірінде жасырылған сезімдердің сыртқа шығуына көмектеседі және катарсис эффектісін тудыра отырып, эмоционалдық күйзелістерді жеңілдетеді.
Арнайы сіздер үшін фальцетіңізді жақсартатын, нотаға түсуді үйрететін және ең ыстық караоке-кешінің алдында дауыс желбезегін қыздыруға көмектесетін смартфонға арналған 7 қосымшаға шолу дайындадық.
Музыка мен ән айтудың медицинада бірқатар аурулардың алдын алу, терапия, ауырсынуды жеңілдету және пациенттердің әл-ауқатын жақсарту үшін баяғыдан қолданылып келе жатқанын айтудың өзі артық болар? Музыка отадан кейін пациенттердің иммундық жүйесін нығайтады, жүкті әйелдердің күйзеліс деңгейін төмендетеді, кардиологиялық науқастардың қан қысымы мен жүректің соғу жиілігін тұрақтандырады.
Калифорния мемлекеттік университетінің зерттеушілері ауруханаға жатқызылған балалар ойыншықтармен және пазлдармен қалыпты ойнауға қарағанда, маракастармен және қоңыраулармен ойнай алатын музыкалық терапия кезінде өздерін бақыттырақ сезінетінін анықтады.
Алайда, музыка мен ән айту әкелетін бақыт деңгейін арттыру үшін міндетті түрде ауырудың қажеті жоқ. Караоке қуаныштың ең күшті триггері болуы мүмкін, өйткені ол күйзелісті жеңілдетіп, эндорфиндер деңгейін арттырып қана қоймай, жаңа әлеуметтік байланыстарды құрып, ескілерін нығайтады. Сіз өзіңізге ұнайтын нәрсені ұнататын адамдар бар бөлмеге кіргенде, жаңа достар таба аласыз, қызықты адамдармен танысасыз, музыкадан алған ортақ бақытты бөлісіп, барлығымен ашық бола аласыз.
Дегенмен, тым көп музыка шектен тыс ләззат болуы мүмкін екенін атап өткен жөн. Музыка миымыздағы сыйақы жүйесін іске қосатындықтан (дофамин өндіре отырып), ол қанағаттандыру қиынға соғатын тәуелділікке айналуы мүмкін. Оқтын-оқтын караоке-жүйесінің микрофондарын үстелге тығып, смартфондағы плеерді өшіріп, тыныштықтан ләззат алыңыз. Сонда сіздің сүйікті әніңіз бұрынғыдай ғажайып болып қала береді және қайтадан шынайы, жарқын эмоциялар тудырады.
