Үйге нені таңдауды білмейсіз бе: караоке-плейер ме, әлде караоке-жүйесі ме? Олардың айырмашылығын түсіндіреміз.
Үйдегі караокенің тарихы
Алғашқы караоке-плейер ХХ ғасырдың 80-жылдарының басында жасалды. Оны жапондық Pioneer компаниясы өздері жасап шығарған LaserDisc технологиясы негізінде шығарды. LaserKaraoke-де музыкаға қосымша бейненің үстіне субтитрлерді шығару мүмкіндігі пайда болды. Ойнатқышқа арналған лазерлік дискіде 5-20 караоке-фонограмма болды.
90-жылдардың ортасына дейін Pioneer компаниясы үйдегі караоке нарығында көш бастады. Шын мәнінде, осы компанияның және көптеген еліктеушілердің арқасында караоке бүкіл әлемге кеңінен таралды.
Ал заманауи караоке-жүйелері Taito компаниясының аты аңызға айналған Х2000 караоке-приставкасынан бастау алады. Ол тректерді дискілерден немесе магниттік тасымалдағыштардан емес, коммутацияланатын телефон желісі арқылы алатын. Музыкалық және графикалық редакторлар қатты шектелгенімен, кішірек көлем мен тұрақты жаңартулар приставканың дәстүрлі караоке-плейерлерін біртіндеп ығыстыруына әкелді.
Караоке-машиналар оқшаулау тұр, олар АҚШ-та күні бүгінге дейін өте танымал. АҚШ-тағы кез келген дерлік караоке рейтингі бірнеше осындай құрылғыларды қамтиды. Караоке-машинаның оңай танылатын белгілері бар: ондағы ойнатқыш үлкен колонкамен, микрофонмен, түрлі-түсті музыкамен және субтитрлерге арналған СК-панельмен біріктірілген. Сондай-ақ сандық панельдің орнына бейнені қабырғаға шығаратын проекторы бар модельдер және субтитрлерді планшеттегі немесе смартфондағы қосымшамен синхрондай алатын модельдер де кездеседі.
Алабажақ караоке-машиналардың негізгі тұтынушылары балалар екеніне таңғалудың қажеті жоқ шығар. Бұл стереожүйе мен микрофондарға қосымша шығындарды қажет етпейтін практикалық әрі арзан шешім. Караоке-машиналардың ұтқырлығы мен дербестігін, сондай-ақ балалардың нақты не айтып жатқанын ата-аналар тарапынан бақылау мүмкіндігін атап өткен жөн. Караоке-машиналар ықшам дискілерді (CD) пайдаланатындықтан, бүлдіршіндерді ересектерге арналған тақырыптардан қорғау қиын емес.
Караоке-плейерлердің караоке-жүйелерінен айырмашылығы неде?
Плейерлердің караоке-жүйелерінен басты айырмашылығы – бұл ең алдымен дискілерді ойнатқыш екендігінде. Караоке – бұл құрылғының мүмкіндіктерін кеңейтетін қосымша функция ғана. Микрофонды қосу арқылы теледидар экранынан ән айта аласыз, бірақ вокалды өңдеу параметрлерінің көпшілігі, эффектілер мен кәсіби караоке-жүйесінің функционалы плейерде қолжетімді емес.
Сондай-ақ караоке-плейерлердің көпшілігі тек дискілермен ғана жұмыс істейтіні және кейбір үлгілер ғана USB-жинақтағыштан оқи алатыны айтарлықтай шектеу қояды. Осылайша, сіздің фонотекаңыз сіз сатып алған CD-лер санымен тең болады. Мысалы, EVOBOX-тағыдай 100 000+ әнге қол жеткізу туралы сөз болуы мүмкін емес.
Караоке-плейерлер ықшам дискілердің барлық дерлік түрлерін: CD, CD+G, DVD және негізгі бейне және аудиофайл пішімдерін – MPEG, WMA, MP3 және т.б. ойнатады. Бейне ажыратымдылығы фильмдерді ыңғайлы көру үшін әдетте Full HD 1080 құрайды, бірақ аса анық 4К және 8К дәуірі үшін бұл жеткіліксіз.
Қалған жағдайларда караоке-плейерінің функциялары қарапайым CD-ойнатқыштан еш айырмашылығы жоқ:
1. Ойнату тоқтаған жерді есте сақтау.
2. Жазу.
3. Флешкадан бейне, суреттерді көру және аудио тыңдау.
Дұрыс таңдалған караоке микрофондары – бұл сәтті өнер көрсетудің жартысы және жақсы көңіл-күйдің кепілі. Біз сізге бірнеше жағымды кеш сыйлайтын он бюджеттік және топ-модельдерді жинадық.
Караоке-жүйесінің мүмкіндіктері әлдеқайда кең. Негізгілерін атап өтейік:
1. Онлайн-жаңартулар. Ешқандай диск жоқ. Каталогтың барлық жаңартулары «ауа арқылы ұшып келеді». Караоке-жүйесінің түріне байланысты бұл ай сайынғы жаңартулар немесе сүйікті әндеріңізді бір реттік сатып алу болуы мүмкін.
2. Дуэт, трио немесе квартет болып ән айтыңыз. Караоке-жүйелері 4 микрофонға дейін қосуды қолдайды. Достарыңызбен және отбасыңызбен шулы караоке-батлдар ұйымдастырыңыз.
3. Лицензияланған фонограммалар. Караоке – өз клиенттеріне тек ең жоғары сапаны ұсынатын үлкен индустрия, ал минусовкалар да бұған ерекшелік емес. Караоке-әндер – бұл кәсіби музыканттар жазған түпнұсқа студиялық тректер, бұл алғашқы ноталардан-ақ байқалады.
4. Дауысты өңдеу. Үйдегі караоке-жүйелері караоке-клубтарда қолданылатын ең жақсы әзірлемелерді бойына сіңірген: жетілдірілген эффектілер, композицияның тональдігі мен темпін өзгерту, ән айтуды ұпайлармен объективті бағалау.
5. Басқару. Заманауи караоке-жүйесі толыққанды пернетақтасы мен функционалдық пернелері бар ыңғайлы пультпен жабдықталған. Смартфонға арналған қосымша караокені басқарудың баламалы тәсілі ретінде әрекет етеді.
Қорытындылайық. Караоке-плейер – фильмдер көру, музыка тыңдау және кейде ән айту үшін үй медиаорталығын алғысы келетін адамдарға арналған жақсы нұсқа. Көптеген плейерлердің базалық деңгейі үйдегі караокеге деген ең төменгі қажеттіліктерді қанағаттандыруға әбден жетеді.
Караоке-жүйесі өз кезегінде орындаудан барынша күшті эмоциялар алуға арналған. Егер сіз жиі ән айтуды, музыкалық таланттарыңызды дамытуды жоспарласаңыз және үйде музыкалық мерекелер мен туған күндерді ұйымдастырғыңыз келсе, караоке-жүйесі – ең жақсы шешім.
Бүгінге осы. Караокеңіз көңілді болсын!
