Уақыттың басым бөлігінде Флоридадағы Бойнтон-Бичте орналасқан Dunkin Donuts кафесі өз келушілеріне пончиктер мен кофе дайындауға маманданған. Бірақ аптасына бір рет «пончиктік» егде жастағы флоридалықтар үшін тегін караоке айтуға болатын көңілді караоке-клубқа айналады.
Бұл іс-шараны 78 жастағы Зигги Галит өзінің достары мен көршілерінен тұратын зейнеткерлер тобымен бірге ұйымдастырды. Олар негізінен ХХ ғасырдың 40-жылдарынан бастап, өз жастық шақтарының әндерін айтады. Көбінесе «We are Family», «My Way», «Imagine», «Sweet Caroline», «To All The Girls» және т.б. классикалық хиттер шырқалады.
— Маған адамдарды бақытты еткен және олардың назарын проблемалар мен аурулардан басқа жаққа бұрған ұнайды, – дейді Галит. – Бір күні бос отырып, адамдарды караоке сияқты қызықты іске тартып, олардың көңіл-күйін көтере аламын ба деп ойландым.
Галит бұл идеяны Dunkin менеджерімен талқылап, караоке көптеген адамдарды бақытты ететінін және оларды қайтадан жасөспірімдердей сезінуге мәжбүрлейтінін түсіндірді. Кафе басшылығына бұл ұсыныс ұнады. Тіпті олар қарт адамға қарсы жүріп, караоке-аппаратын өздері сатып алды.
— Біз бастаған бірінші аптадан бастап ән айтуға келетін адамдар саны артып келеді. Көпшілігі өздерін супержұлдыз сезініп, керемет ләззат алып ән айтады. Келушілер әндер тізімін әкеліп, достары мен балаларын ертіп келеді, олар да көңіл көтереді, – деп қосты Галит.
Кафе менеджерлері кешкі караокені тамаша идея деп санайды. Бір жағынан, олар көп жылдар бойы кофе мен пончик сатып алып, олардың мекемесін қолдаған қауымдастық алдындағы қарызын қайтарып жатыр.
Дереккөз
