Сахнада орындамас бұрын әнді ішіңізден айтпаңыз – американдық ғалымдар осындай қорытындыға келді. Олардың айтуынша, бұл сізді шатастыруы мүмкін. Зерттеуде алғаш рет субвокализация мен ән айту дәлдігі арасындағы байланысты көрсететін дәлелдер ұсынылған.
Адамдар үшін ән айту эмоцияларды білдіру формасы, әлеуметтік байланыстарды қалыптастыру механизмі, коммуникация құралы, балалар мен ересектерді қосымша оқыту тәсілі, ойын-сауық түрі қызметін атқарады. Сондай-ақ тұтығу, Паркинсон ауруы, мидың зақымдануы және аутизммен байланысты неврологиялық аурулар мен сөйлеу бұзылыстарында көмектеседі. Күнделікті өмірде ән айтудың маңызды рөліне қарамастан, ән айтумен байланысты дыбыс биіктігін вокалдық имитациялау сияқты маңызды процесс туралы әзірге аз мәлімет бар.
Сондай-ақ оқыңыз: Сізді жұлдыз ететін 5 тәсіл
Біз неліктен тұрақты түрде караоке айту жақсы көңіл-күйдің, жағымды эмоциялардың және мықты жадтың кепілі екенін түсіндіреміз.
Әдетте, ән айту әуенді жадтан қайталаумен байланысты, көбінесе бұл дыбыстың алдында жүретін және оны қалыптастыратын музыкалық-есту түсінігіне негізделеді. Зерттеушілер ән айтар алдында миымызда қалыптасатын ментальді бейне біздің қалай ән айтатынымызға ғана емес, сонымен қатар көмей бұлшықеттерінің сенсорлық моторикасына да әсер ететінін анықтады. Атап айтқанда, субвокализация (оқу немесе ән айту кезінде іштей қайталау) адам нота алуға немесе әуенді айтуға дайындалған кезде қозғалысты жоспарлауды ынталандыруы мүмкін.
Кейбір жағдайларда субвокализация орындаушыға өте жақсы көмектеседі, өйткені ол әндегі кенеттен болатын өткелдерге алдын ала дайын болуға мүмкіндік береді, әсіресе олар би қозғалыстарымен байланысты болса. Бірақ зерттеушілер іште ән айту дыбыс биіктігі мен ән айту дәлдігіне тікелей әсер ететінін сендіреді. Субвокализация көмей бұлшықеттерін бастағы музыкалық бейнеге сәйкес келетін белгілі бір қалыпқа келтіретіндей болады. Дегенмен, әннің біздің ойымызда қалай естілетіні оның қалай айтылуы керектігінен айтарлықтай өзгеше болуы мүмкін. Тәжірибелі вокалисттер әдетте субвокализациядан арылуды үйренеді, бірақ тәжірибесіз орындаушылар үшін бұл қосымша қиындықтар тудырады.
Сондай-ақ оқыңыз: Әкені ән айтуға қалай үйрету керек
